Ito na ang ikaapat na serye ng Unli Rice: Araw-Araw na Pagkaing Espiritwal. Tunay na nakapagbibigay-inspirasyon ang napakagandang pagtanggap ng mga mambabasa sa mga serye ng aklat na ito.
 
Isang tagasubaybay ang nagsabi na ginagamit din niya ang aklat sa lingguhang fellowship ng kanyang care group. Ayon sa kanya, pansarilinan man o panggrupo, akmang gamitin ang aklat.
 
Kung gaano kadalas ang pagtanggap natin ng physical food, gayundin dapat kadalas ang pagtanggap natin ng spiritual food. Kung limang beses na pinapakain natin ng physical food ang ating katawan, limang beses din natin dapat pinapakain ng spiritual food ang ating kaluluwa. Huwag nawa tayong matagpuan ng Diyos na spiritually-malnourished.
 
Katulad ng iba pang serye, ang Unli Rice 4 ay magdudulot sa iyo ng spiritual food sa loob ng kalahating-taon o 180 araw. Nawa, mangahulugan ito ng 180-degree turn na ang ibig sabihin ay complete reversal—lubusang pagbabago ng iyong isip. Ito nawa ang maging karanasan mo matapos ang kalahating-taong pagbubulay gamit ang aklat na ito.